Plantun de Prouvènço

Pèr coumpara dos planto d'encò nostre

Picea glauca & Hyoseris radiata

Serento(-verdalo)

Picea glauca

Pinaceae

Àutri noum : Serénta, Sarento, Sourento, Serinte, Sùfi.

Nom en français : Epinette blanche.

Descripcioun :
Aquesto serento nous vèn d'Americo de l'uba (Alaska e Canada). En Prouvènço èi pas couneigudo coume planto de rebouscage (au contro di Pirenèio e de l'Aubrac). Sèmblo proun à nosto serento, pamens li fueio, aleva di jouino que soun bruno, soun bèn verdalo. Li pigno soun mens longo peréu (2,5 à 6 cm). Aquéstis aubre vènon de l'Erbo-blanco en Alouos (04). Sabèn pas se van se naturalisa.

Usanço :
Dèu agué li mémis usanço que la serento.

Port : Aubre
Taio : 10 à 30 m
Fueio : aguio escaumo
Tipe bioulougico : Faneroufite
Cicle bioulougico : Planto renadivo

Gènre : Picea
Famiho : Pinaceae

Ordre : Pinales

Coulour de la flour : Roso
Petalo : ges
Ø (o loungour) flour : Pancaro entresigna
Flourido : Printèms - Estiéu

Sòu : Ca
Autour basso e auto : 0 à 2000 m
Aparado : Noun
Abriéu à juliet

Liò : Sapiniero
Estànci : Mountagnard à Subaupen
Couroulougi : Éurasiatico
Ref. sc. : Picea glauca (Moench) Voss, 1907

Cicòri(-rajant)

Hyoseris radiata

Asteraceae Compositae

Noms en français : Hyoséride rayonnante, Chicorée rayonnante.

Descripcioun :
Lou cicòri-rajant trachis pas trop liuen de la mar dins li tepiero, lis ermas e li pendis roucaious riche en azoute. Fai uno rouseto sènso tijo d'ounte parton de long pecou acaba de flour coumpausado. Li fueio soun descoupado d'un biais proun regulié ço qu'ajudo à recounèisse la planto. I'a douas renguièro de bratèio emé uno pichoto deforo. Li fru peréu soun particulié emé de sedo redo. Coumpara emé lou cicòri-escabrous que ié sèmblo mai qu'es uno planto de l'an .

Usanço :
Aquéu cicòri dèu èstre manjadis pamens avèn ges d'entresigne segur.

Port : Erbo
Taio : 5 à 40 cm
Fueio : basalo
Tipe bioulougico : Emicriptoufite
Cicle bioulougico : Planto renadivo

Gènre : Hyoseris
Famiho : Asteraceae
Famiho classico : Compositae
Tribu : Cichorieae
Ordre : Asterales

Coulour de la flour : Jauno
Petalo : >6
Ø (o loungour) enflourejado : 7 à 12 mm
Flourido : Printèms Ivèr

Sòu : Ca
Autour basso e auto : 0 à 800 m
Aparado : Noun
Febrié à jun

Liò : Tepiero seco - Pendis roucaious - Ermas
Estànci : Termoumediterran à Mesoumediterran
Couroulougi : Estenoumediterrano
Ref. sc. : Hyoseris radiata L., 1753

Partisoun en Prouvènço : CCC à C : mai o mens coumuno ; R à RRR : pulèu o forço raro ; "ges" dins aquéu relarg.

ges

Picea glauca & Hyoseris radiata

ges

RRR

Coumpara Serento(-verdalo) emé uno autro planto

Coumpara Cicòri(-rajant) emé uno autro planto